Presidenti i Serbisë, Alleksandar Vuçiq, e ka cilësuar si “ndoshta takimin më të keq deri tani” diskutimin e fundit mes shefit të Shtabit të Përgjithshëm të Forcave të Armatosura të Serbisë (FAS), Millan Mojsilloviq, dhe komandantit të KFOR-it, Ozkan Ulutash, lidhur me tërheqjen e forcave ndërkombëtare nga ura mbi lumin Ibër në Mitrovicë, raporton N1, \.
Duke folur për gazetarët gjatë një vizite në qytetin serb Arilje, Vuçiq tha se Ulutash i kishte thënë Mojsilloviqit se “nuk ka asnjë problem” dhe se Policia e Kosovës do t’i kryente këto detyra së bashku me KFOR-in.
“Vërtet, nuk ka asnjë problem? Atëherë, tani e shohim saktësisht pse bëtë gjithçka që bëtë në vitin 1999, i kuptojmë të gjitha në mënyrë të përsosur. Nga ky këndvështrim, të paktën e dimë me kë kemi të bëjmë – vetëm ndaloni së shtiruri sikur jeni këtu për ndonjë lloj dialogu, sepse nuk jeni. Nëse vërtet do t’ju interesonte dialogu, shqiptarët do t’i kishin përmbushur obligimet e tyre sipas Marrëveshjes së Brukselit – dhe ata kishin vetëm një”, tha Vuçiqi.
Pas 27 vjetësh KFOR-i nis tërheqjen nga Ura e Ibrit, Policia e Kosovës në vend të tyre (VIDEO)
KFOR-i njoftoi të hënën se misioni i udhëhequr nga NATO ka nisur tranzicionin gradual të pranisë së përhershme të KFOR-it nga ura kryesore në Mitrovicë.
Ura mbi lumin Ibër e ndan Mitrovicën në dy komuna, atë të jugut me shumicë shqiptare, dhe të veriut me shumicë serbe. /
