Humbja ndaj Fiorentinës ka rrezikuar seriozisht kualifikimin në Champions League për Juventusin, me pasoja të mundshme që mund të qartësohen pas një jave. Pas ndeshjes, trajneri Luciano Spalletti deklaroi: “Do të takohem me John Elkann, do të jetë një analizë e vetvetes, duhet t’i propozoj një version më të mirë se ai që u pa sot”.
Marrëdhënia mes Spallettit dhe presidentit të “Exor”, John Elkann, konsiderohet e fortë dhe e bazuar në raporte personale, jo vetëm profesionale. Megjithatë, pa Champions League, priten ndryshime të rëndësishme në klub, si në skuadër, ashtu edhe në drejtim, edhe pse Elkann nuk dëshiron revolucion të ri pas vetëm një viti.
Në rrezik më të madh janë Damien Comolli dhe François Modesto. Comolli, i ardhur me mbështetjen e Elkann, mund të ketë rol më të kufizuar në merkato, ndërsa Modesto shihet si kandidati më i mundshëm për largim. Marco Ottolini mund të marrë më shumë përgjegjësi në negociata dhe të ndihmojë Spallettin edhe në menaxhimin e grupit.
Në pozicion të sigurt mbetet Giorgio Chiellini, i cili do të vazhdojë rolin institucional dhe marrëdhëniet me UEFA, FIFA dhe ECA. Vendimtar për të ardhmen e strukturës drejtuese do të jetë derbi me Torinon. Me sigurimin e Champions-it situata qetësohet, pa kualifikim në të priten ndryshime të forta.
The post Juventusi jashtë Champions-it? Spalletti “rrëfehet” tek Elkann, në rrezik Comolli dhe Modesto. Ja plani appeared first on Telesport.
