Zjarret në më shumë se 250,000 hektarë kanë detyruar evakuime dhe kanë shkaktuar ndërprerje të energjisë elektrike në zonën Spokane të shtetit të Uashingtonit, thanë zyrtarët.
Guvernatori i shtetit të Uashingtonit, Bob Ferguson, shpalli një emergjencë në të gjithë shtetin dhe ndalimin e djegies të shtunën në mëngjes, shkruan BBC, transmeton klankosova.tv.
“Shteti ynë po përballet me një situatë shumë serioze me zjarre të shumta dhe zemrat tona janë me banorët e Uashingtonit që po humbasin shtëpitë e tyre”, tha Ferguson.
Sipas zyrtarëve, nuk janë raportuar të lënduar ose viktima.
Spokane është qyteti i dytë më i populluar i shtetit.
