Francesco Totti dhe Ilary Blasi janë zyrtarisht të divorcuar. Që nga 6 korriku, sipas “La Repubblica”, ish-kapiteni i Romës dhe moderatorja nuk janë më burrë e grua. Vendimi i Gjykatës Civile të Romës, depozituar më 4 qershor dhe bërë përfundimtar javët e fundit, i jep fund një beteje ligjore të nisur pas njoftimit për ndarje më 11 korrik 2022.
Procesi zgjati pothuajse 4 vite, me seanca gjyqësore, tentativa pajtimi dhe debate të shumta publike, nga çështja e orëve Rolex deri te pagesat e mirëmbajtjes. Ndërkohë, në jetën private të dy kishin ndjekur rrugë të ndryshme: Totti ka nisur një lidhje me Noemi Bocchi, ndërsa Ilary është e lidhur me biznesmenin gjerman Bastian Muller.
Martesa e tyre, e zhvilluar më 19 qershor 2005, ishte një nga historitë më të famshme që bashkonte sportin dhe spektaklin në Itali. Tashmë Ilary mund të martohet me Bastian Muller, me të cilin është njohur tri vite më parë në Nju Jork. Sipas zërave të fundit, çifti pritet të kurorëzojë dashurinë në shtator, ndoshta në një vilë luksoze në Liqenin e Komos.
Edhe pas martesës, ata do të vazhdojnë të jetojnë në distancë: Bastian do të qëndrojë në Gjermani për biznesin familjar, ndërsa Ilary do të mbetet në Romë me fëmijët dhe angazhimet televizive.
The post Totti dhe Ilary, divorci është zyrtar, nuk janë më bashkëshortë. Blasi, gati për martesë në distancë me Bastian appeared first on Telesport.
