Regjisori i dokumentarit të Jose Mourinhos ka zbuluar saktësisht pse Pep Guardiola nuk u shfaq në serialin e Netflix.
‘Mourinho’, një dokumentar me tre pjesë mbi trajnerin legjendar portugez, u publikua në Netflix të martën dhe dokumenton ngritjet dhe uljet e njërit prej personazheve të mëdhenj të futbollit.
Dokumentari mbi ish-trajnerin e Chelseat, Manchester United dhe Real Madridit u xhirua gjatë dy viteve dhe ofron akses të paprecedentë te Mourinho.
Për më tepër, personazhe si Sir Alex Ferguson, Eden Hazard, John Terry, Zlatan Ibrahimovic, André Villas-Boas, Claude Makelele, Didier Drogba, Frank Lampard, Javier Zanetti, Luis Figo, Marcelo, Marco Materazzi, Massimo Moratti, Petr Cech, Peter Kenyon, Ricardo Carvalho, Sami Khedira dhe Samuel Eto’o, të gjithë shfaqen në intervista të reja dhe të sinqerta.
Pavarësisht një grindjeje shumë publike pasi Mourinho dyshoi se ai kishte zbuluar informacione në media, ish-portieri i Real Madridit, Iker Casillas, është gjithashtu një i intervistuar.
Por nuk pati asnjë përfshirje nga Guardiola, rivali më i madh i Mourinho-s, i cili u përball me të në El Clasico me Barcelonën dhe Real Madridin.
Megjithatë, kjo nuk ndodhi për shkak të mungesës së përpjekjeve, me regjisorin Joel Pearlman që zbuloi se ekipi i prodhimit u lidh me katalanasin dhe ai ishte i lumtur të merrte pjesë në një intervistë – me kusht që Mourinho ta pyeste drejtpërdrejtë.
Duke folur për Football Ramble, Pearlman tha: “Ne u përpoqëm ta merrnim Pep Guardiolën. Iu afruam dhe ai tha: ‘Absolutisht do ta bëj këtë, por vetëm nëse pyetjet m’i bën Jose’. Kështu që mund ta imagjinoni se si shkoi.
“Dhe kjo thotë gjithçka për të dy personazhet. Nuk do të ndodhte”.
