Në shumicën e vendeve, fitimi i një konkursi bukurie do të thotë një kurorë, minuta publiciteti dhe një foto përkujtimore. Ndërsa në Bjellorusi, një kurorë e tillë të çon afër Presidentit Aleksandër Lukashenko. Vitet e fundit kjo është shoqëruar me diçka shumë më të ndryshme: hyrjen në një rreth ndikimi shtetëror.
Udhëheqësi 71-vjeçar bjellorus është shfaqur vazhdimisht në evente publike i shoqëruar me mbretëresha bukurie dhe modele të reja, të cilat i rrinë pranë në pritje, evente kulturore, sportive dhe misione ndërkombëtare.
Prania e këtyre grave ka ngjallur debate në vend, pasi disa nga ato që ishin afër presidentit kanë arritur më pas të marrin pozicione në aparatin shtetëror ose në kompani të lidhura me biznesmenë të fuqishëm nga mjedisi i tij.
Bjellorusët i kanë dhënë këtij grupi vajzash një nofkë karakteristike: “Batalioni i shalqinjve”, për shkak të paraqitjes së tyre në vjeljen e shalqinjve ku u fotografuan pranë Presidentit Lukashenko.
Nga pasarelat në Zyrën Presidenciale
Sipas hetimeve nga media e pavarur bjelloruse “Buro”, disa vajza që u bënë të famshme përmes konkurseve të bukurisë më vonë e gjetën veten në pozicione pranë administratës presidenciale.
Rast tipik është ai i Vladlena Zaitsava, finaliste në “Miss Bjellorusia 2021”. Edhe pse nuk e fitoi titullin, ajo shpejt u shfaq pranë Lukashenkos në evente zyrtare, duke përfshirë Vallëzimin Kombëtar të të Rinjve dhe Festivalin e Aleksandrisë.
Më vonë ajo mori pjesë në misione jashtë vendit, siç ishte samiti COP28 në Dubai ndërsa kishte marrë tashmë pozicionin e këshilltares kryesore në Administratën Presidenciale.
Kur u pyet nga gazetarët për rolin e saj, ajo refuzoi të komentonte më tej dhe e mbylli bisedën.
Ish-zyrtarë që folën me “Buro” argumentuan se pozicione të tilla mund të kenë tituj të lartë, por ato shpesh funksionojnë si role të afërta me pushtetin, me detyra që lidhen me funksionimin e përditshëm të zyrës presidenciale.
Një rrugë të ngjashme ndoqi edhe Katsyaryna Khumenyuk, e cila pas paraqitjeve përkrah Lukashenkos u bë këshilltare kryesore në administratën presidenciale.
Pas paraqitjeve publike me presidentin, ajo u bë prezantuese televizive dhe më pas u zgjodh në Dhomën e Përfaqësuesve të Bjellorusisë, duke u bërë anëtarja më e re e parlamentit në atë kohë.
Karriera e saj politike zgjati nga viti 2019 deri në vitin 2024. Më pas ajo themeloi kompaninë “Amalem”, e cila operon në fushën e produkteve farmaceutike dhe mjekësore.
Kompania, sipas informacionit të përmendur, kishte marrë fonde të konsiderueshme, ndërsa shumica e aksioneve të saj i përkisnin intensivistes personale të Lukashenkos, Alena Kazak.
Gratë e rrethit të brendshëm
Konkurse të tjera bukurie janë lidhur me biznese në pronësi të biznesmenëve të afërt me presidentin bjellorus.
Alina Roskats, një konkurrente në Miss Bjellorusia 2016, punoi për kompani të lidhura me familjen e biznesmenit Syarhei Tsiacherin.
Daria Krauchuk, e cila gjithashtu u shfaq përkrah Lukashenkos, punoi për kompaninë Tabak-Invest. Ajo mohoi se karriera e saj ishte për shkak të lidhjeve politike.
“Batalioni i shalqinjve”/ Nga Miss Bjellorusia, në dhomën
Daria Krauchuk
Një rast i ngjashëm është raportuar për , një ish-mësuese e afërt me familjen e Lukashenkos dhe më vonë punoi për një kompani në pronësi të biznesmenit Alexander Mashensky.
Prania e re pranë Lukashenkos
Personi i fundit që ka shkaktuar polemika është Aliya Korotskaya, një modele dhe pjesëmarrëse në konkurse bukurie si “Miss Bjellorusia” dhe “Miss BRICS”.
Korotskaya është shfaqur gjithnjë e më shumë pranë Lukashenkos në evente publike, me mediat ruse që raportojnë për marrëdhënien e tyre, pa asnjë konfirmim zyrtar.
Prania e saj e ka rikthyer në qendër të vëmendjes edhe jetën personale të Lukashenkos, pasi gruaja e tij Galina ka jetuar larg vëmendjes për vite me radhë, në një rezidencë private në një fshat bjellorus.
Çifti, i cili u martua në vitin 1975, nuk është divorcuar zyrtarisht, por thuhet se jeton ndaras për dekada.
Vetë Lukashenko është referuar publikisht grave të reja që ulen pranë tij, duke thënë se protokolli zgjedh “vajza shumë të bukura” për t’u ulur pranë tij në evente.
Teksa figura të reja vazhdojnë të shfaqen në rrethin e tij, “Batalioni i shalqirit” mbetet një nga fenomenet më të diskutuara rreth pushtetit në Bjellorusi.
