Familja Aliu ka konfirmuar aksidentin tragjik në të cilin humbën jetën tre mërgimtarë nga Komogllava e Ferizajt, teksa po ktheheshin nga Kosova drejt Gjermanisë.
Në një prononcim për Klankosova.tv, familjarët kanë bërë të ditur se viktimat ishin nisur nga Kosova të mërkurën, rreth orës 11:30, me destinacion Gjermaninë.
Sipas tyre, aksidenti ka ndodhur në orët e mëngjesit të së enjtes dhe bëhet fjalë për një vetaksident.
Familjari ka deklaruar tutje për Klankosova.tv, se në automjet ndodheshin vetëm tre viktimat, pa pasagjerë të tjerë.
Si pasojë e aksidentit humbën jetën Tahir Aliu (61 vjeç), djali i tij Gentian Aliu (34 vjeç) dhe Laurent Aliu (16 vjeç).
Ndërkohë, për aksidentin kanë raportuar edhe autoritetet gjermane, të cilat kanë konfirmuar se tre persona kanë humbur jetën si pasojë e një vetaksidenti.
Megjithatë, në njoftimin e tyre nuk është bërë i ditur identiteti apo shtetësia e viktimave./Klankosova.tv
Këta dyshohet të jenë tre mërgimtarët që vdiqën në aksidentin në Gjermani, mes tyre një 16-vjeçar
Tragjedi në Gjermani: Po ktheheshin nga Kosova, tre mërgimtarë vdesin në aksident
