Lucas Paquetá foli nga grumbullimi i Brazilit, pas fitores ndaj Haitit, duke komentuar formën e ekipit, rolin e Vinicius, situatën e Neymar dhe mbështetjen për Raphinha. Për polemikat rreth Neymar, pas ironisë së presidentit Lula da Silva, ai deklaroi:
“Të gjithë kemi kaluar momente të vështira. Kemi mësuar të mbrohemi nga goditjet që vijnë nga jashtë. E dimë punën që bëjmë çdo ditë për të arritur objektivat tanë. Jemi shumë të lumtur për rikthimin e Neymarit. Është një lojtar shumë i rëndësishëm për kombëtaren dhe shpresojmë ta shohim sa më shpejt në fushë”.
Për Vinicius u shpreh: “E njoh që fëmijë te Flamengo, e kam mik të ngushtë dhe e admiroj shumë. Ai po rritet vazhdimisht me kombëtaren, ka më shumë rol dhe është më vendimtar”.
Paquetá shprehu mbështetje edhe për Raphinha e dëmtuar: “Të gjithë jemi të trishtuar për të. Është shumë i përkushtuar dhe do të bëjë gjithçka për t’u rikthyer”. Për veten theksoi se nuk u pendua që u rikthye te Flamengo, pasi besonte se mund të fitonte sërish një vend titullari te Brazili.
The post Lucas Paquetá mbron Neymar: Shumë i rëndësishëm për kombëtaren, duam ta shohim shpejt në fushë appeared first on Telesport.
