Deputeti i Lidhjes Demokratike të Kosovës, Ermal Sadiku, ka reaguar ndaj deklarimeve të kryeministrit Albin Kurti, duke e akuzuar për manipulim lidhur me çështjen e 15 nënshkrimeve për kandidat për president.
Duke folur në Debat Plus, Sadiku tha se letra e dërguar nga LDK ka qenë e qartë dhe ka dëshmuar se partia i ka votat e nevojshme për një kandidat të saj.
“Letra ka qenë shumë e qartë, Kurti po manipulon si zakonisht. Jemi akuzuar që nuk jemi bashkë, nuk i kemi nënshkrimet, por kemi dalë me dokument” ka deklaruar ai.
Sipas Sadikut, nuk ka qenë e nevojshme që në letër të përfshihen emra konkretë, pasi që dokumenti dëshmonte mbështetjen e deputetëve për një kandidat të propozuar nga LDK.
Ai shtoi se edhe çështja e datës nuk është thelbësore, pasi dokumenti është përpiluar në të njëjtën ditë kur është kërkuar dhe se nënshkrimet e deputetëve dëshmojnë unitetin e partisë në këtë proces.
“Nuk ka nevojë me shkru emra në letër, në letër tregohet që në kemi votë prej personit që vjen nga LDK. Data është e parëndësishëm sepse është bërë po në atë ditë kur është kërkuar prej neve, normalisht data ka mundur të ndërrohet, me vetë faktin që deputetet e LDK kanë nënshkruar dhe do ta përkrahin personin e propozuar nga LDK”, ka dekalruar ai.
