Pas pamundësisë për të zgjedhur presidentin deri në afatin e caktuar, qytetarët e Kosovës do t’u drejtohen sërish kutive të votimit për zgjedhjet e reja, që do të kushtojnë miliona euro.
Sipas Dhomës së Tregtisë dhe Industrisë, këto para do të kishin ndihmuar shumë ekonominë e vendit, nëse do të ishin investuar aty.
Ekspertët e ekonomisë paralajmërojnë se zgjedhjet e reja mund të sjellin kosto të mëdha, duke e vënë vendin në një cikël të vazhdueshëm zgjedhor, ndërsa Kosova ka shpenzuar 21.8 milionë euro vetëm vitin e kaluar për zgjedhjet.
