Në prag të ndeshjes që luhet sot në mbrëmje kundër Nantes, trajneri i PSG, Luis Enrique, foli për një periudhë të vështirë që pret kampionët e Francës dhe të Europës.
PSG po përgatitet për një kalendar jashtëzakonisht të ngjeshur: nëntë ndeshje në 27 ditë në të gjitha garat. “Duhet t’i qasemi kësaj situate me të gjithë lojtarët në dispozicion”, shpjegoi trajneri, duke theksuar nevojën për ekuilibër midis Ligue 1 dhe Champions League.
“Menaxhimi i lojtarëve dhe rotacionit i tyre është i pashmangshëm”, shtoi më tej spanjolli, çka u pa tashmë në humbjen kundër Lyon, ku Luis Enrique bëri gjashtë ndryshime krahasuar me ndeshjen e Champions.
“Do të jetë e vështirë, por ne duam t’i fitojmë të dyja trofetë“, deklaroi Enrique, që në gjysmëfinalet e Champions do të përballet me Bayern Munich.
Trajneri mbrojti menaxhimin e tij: “Çdo minutë te PSG duhet të jetë e veçantë për çdo lojtar. Pres shumë nga të gjithë. Është konkurrencë: dikush duhet të lihet jashtë, dhe çdo minutë duhet të shfrytëzohet sa më shumë”.
The post 9 ndeshje në 27 ditë, reagon Enrique: Kam nevojë për të gjithë, rotacioni i lojtarëve i pashmangshëm appeared first on Telesport.
