Hansi Flick u shfaq i kënaqur pas fitores 3-0 të Barcelonës ndaj Oviedos, sukses i ndërtuar pas një pjese të parë të vështirë dhe një të dyte shumë më pranë asaj që dëshiron trajneri gjerman. “Oviedo nuk kishte çfarë të humbiste, ky është futbolli. Na presuan lart dhe në pjesën e parë nuk ishim mirë, por në të dytën u përmirësuam. Kjo është ajo që dua; intensitet dhe presion”, – tha Flick, duke përmendur edhe lodhjen nga kalendari i ngarkuar.
Ndeshja u zhbllokua me golin e Dani Olmos në minutën e 52-të: “Më i rëndësishmi ishte goli i parë, presioni dhe rikuperimi i topit pas një aksioni të Lamine”. Më pas shënuan Raphinha dhe Yamal me një “volej” spektakolar. Për talentin e ri: “Goli iu pëlqeu të gjithëve, por më i miri është presingu i tij. Jam shumë i lumtur për mënyrën si punon pa top”.
Flick vlerësoi edhe Eric García për fleksibilitetin, Olmo për formën, si dhe Marc Casadó: “Nuk ka mundësi që dikush të largohet në këtë merkato, na duhen të gjithë”. Për Cancelo kërkoi durim, ndërsa theksoi se pjesa e dytë tregon rrugën e duhur për Barçën.
The post Flick lartëson Yamal dhe “blindon” Casadó: Askush nuk largohet këtë merkato, na duhen të gjithë appeared first on Telesport.
