Pas një karriere të gjatë mbi 30 vjeçare në sistemin gjyqësor, prej të cilave 16 vite në Gjykatën Supreme, gjyqtarja Valdete Daka është pensionuar.
Kryetari i Gjykatës Supreme, Fejzullah Rexhepi, i dorëzoi një mirënjohje gjyqtares Daka si shenjë falënderimi dhe respekti për profesionalizmin, përkushtimin dhe kontributin e saj në shërbim të drejtësisë, veçanërisht në Gjykatën Supreme.
Në ceremoninë përshëndetëse, gjyqtarja Daka u nderua gjithashtu nga zv/kryesuesja e Këshillit Gjyqësor të Kosovës, Arjeta Sadiku, e cila vlerësoi lart angazhimin dhe bashkëpunimin e saj të vazhdueshëm ndër vite.
