Liverpool po ndjek një qasje të kombinuar për të zëvendësuar sulmuesin egjiptian Mohamed Salah, që do të largohet pas 9 vitesh në “Anfield”. Klubi anglez nuk sheh askënd si një zëvendësim ideal, veçanërisht për sa i përket numrave.
Madje ekziston një ide konkrete se ata tashmë kanë dikë si ai në skuadër, megjithëse nga krahu i kundërt. Bëhet fjalë për Rio Ngumoha, duke parë mënyrën se ai përpiqet të luajë.
Puna për të zëvendësuar Salah filloi verën e kaluar me riformimin e vijës së tyre sulmuese, me blerjet e Hugo Ekitike dhe Alexander Isak. Këta dy lojtarë janë padyshim të ndryshëm nga numrat 9 që Liverpool përdorte në të kaluarën.
Yan Diomande është një lojtar që Liverpool e ka parë të luajë në krah, ndërsa ata ende kanë Jeremie Frimpong, i cili mund të veprojë më tej në zonën sulmuese. Pra, disa alternativa brenda skuadrës, ndoshta me një system ndryshe loje.
Trajneri Arne Slot pranoi disa javë më parë se kjo është një situatë që ata mund të duhet ta shqyrtojnë, ndërsa ata kanë edhe Harvey Elliott që po rikthehet nga periudha e tij e huazimit.
The post Një zëvendësues brenda ekipit ose një sistem i ri loje, Liverpool shqyrton idetë e të ardhmes pa Salah appeared first on Telesport.
