Presidentja e Komunitetit të Madridit, Isabel Díaz Ayuso, ka njoftuar në rrjetet sociale se Lionel Messi ka dhuruar 80 mijë euro për rindërtimin e zonave të goditura nga zjarret në Sierra Oeste të Madridit.
“Leo Messi ka dhuruar 80.000 euro për rindërtimin e Sierra Oeste të Madridit. Dua ta falënderoj dhe t’i them se madrilenët mezi e mirëpresin së shpejti për t’i dhënë duartrokitjet që meriton”, – shkroi Ayuso.
Ndërkohë, zjarri pyjor në Sierra Oeste kaloi natën e dytë radhazi pa riaktivizime, megjithëse mbetet ende në fuqi Situata Operative 2 e Planit INFOMA. Pas afro dy javësh shkatërrimesh, flakët janë stabilizuar dhe ndodhen në fazën e kontrollit, ndërsa ekipet e emergjencës vijojnë monitorimin e perimetrit dhe shuarjen e vatrave të nxehta, veçanërisht pranë rezervuarit San Juan.
Gjatë natës në terren punuan 16 njësi tokësore të zjarrfikësve, zjarrfikës pyjorë dhe agjentë pyjorë. Rikthimi në shtatë urbanizime të Pelayos de la Presa dhe San Martín de Valdeiglesias mbetet i kufizuar, ndërsa hyrjet drejt rezervuarit San Juan, plazhit Alberche dhe rruga M-957 vazhdojnë të jenë të mbyllura.
al”>Telesport.
