Pas turneut në Australi dhe Indonezi, për Milanin ka ardhur koha e vendimeve. Në ditët e ardhshme trajneri Ruben Amorim do të takohet me pronarin Gerry Cardinale për të bërë bilancin e merkatos.
Çështja kryesore është Rafa Leao. E ardhmja e tij mbetet e paqartë dhe largimi mund të zhbllokojë merkaton kuqezi. Milani vazhdon ta konsiderojë të shitshëm dhe kërkon të paktën 50 milionë euro nga Galatasaray për transferimin përfundimtar.
Këto para do të shtoheshin në buxhetin për afrimet. Amorim nuk dëshiron të kërkojë blerje të tjera, por synon një mbrojtës, një anësor dhe një trekuartist. Preferencat janë Goncalo Inacio i Sportingut dhe Dario Osorio i Midtjylland. Fillimisht duhet shkurtuar skuadra aktuale. Athekame shihet drejt Lyon-it në huazim, Odogu dhe Bondo drejt largimit, ndërsa mund të largohen edhe Terracciano, Ricci e Cissè.
Në pikëpyetje janë Youssouf Fofana dhe Fikayo Tomori. Ndërkohë, Musah mund të përdoret si lojtar shumëfunksional. Të dielën rikthehen Mike Maignan dhe Adrien Rabiot, të cilët Amorim i konsideron “shtylla të së tashmes dhe së ardhmes së Milanit”.
