Toni Kroos i ka sugjeruar Real Madridit transferimin e Yann Bisseck, qendërmbrojtësit gjerman të Interit, i cili duhet thënë se nuk është një titullar fiks tek zikaltrit.
25-vjeçari u transferua në vitin 2023 nga danezët e Aarhus për 7.5 milionë euro dhe sot kushton 50 milionë euro, nëse i referohemi Transfermarkt. Duke ditur që Real Madrid synon të forcojë qendrën e mbrojtjes për sezonin e ri, Kroos mendon se Bisseck do të ishte profili i duhur për prapavijën madrilene. Për më tepër, Yann Bisseck nuk është një mbrojtës i kufizuar. Tek Interi, ai ka treguar shpesh aftësinë për të luajtur nga mbrojtja në sulm, duke e bërë atë një qendërmbrojtës modern të themi, që nuk kufizohet vetëm te roli i tij.
Megjithatë, largimi i qendërmbrojtësit gjerman nga Inter nuk do të jetë edhe aq i lehtë, duke ditur që Francesco Acerbi dhe Matteto Darmian do të largohen si lojtarë të lirë. Për Stefan de Vrij ende nuk është e vendosur, dhe mbetet vetëm Alessandro Bastoni, i cili po ashtu është objektiv i Barcelonës dhe shumë klubeve të tjera të mëdha.
The post Kroos i sugjeron Real Madridit transferimin e yllit të Interit. Kushton 50 milionë euro appeared first on Telesport.
