Inter pritet të pësojë shumë ndryshime në repartin e mbrojtjes për sezonin e ri. Matteo Darmian dhe Francesco Acerbi do të largohen si lojtarë të lirë, pasi iu skadon kontrata në qershor dhe nuk do të ketë një rinovim tjetër. Në të njëjtën situatë është edhe holandezi Stefan de Vrij, por që për të ende nuk është marrë vendimi përfundimtar.
Për Alessandro Bastonin, dihet që italiani është nën radarin e Barcelonës dhe jo vetëm. Ndërkohë, La Gazzetta dello Sport zbulon se Inter mund të humbë një tjetër qendërmbrojtës. Bëhet fjalë për gjermanin Yann Bisseck, për të cilin ka interes konkret nga Bayern Munich.
Qendërmbrojtësi 25-vjeçar kohët e fundit ka ndërruar agjent, gjë që sipas La Gazzetta dello Sport nuk është thjesht rastësi. Bisseck ka dhënë së fundmi një intervistë ku flet për ambiciet e tij për më shumë mundësi me ekipin kombëtar të Gjermanisë, pasi deri tani numëron vetëm një paraqitje.
Sipas raportimit në fjalë, një transferim i mundshëm i Bisseck te Bayern, do ta ndihmonte shumë atë për të qenë pjesë e kombëtares gjermane. Vlera në treg e Bisseck llogaritet te 40 milionë euro
The post Jo vetëm Bastoni, Inter rrezikon të humbë edhe qendërmbrojtësin tjetër. 25-vjeçarin e kërkon Bayern, ja plani i zikaltërve appeared first on Telesport.
