Kandidati i PDK-së për kryeministër, Bedri Hamza, ka mbajtur një tubim në Mitrovicë, ku bashkë me strukturat e partisë ka prezantuar kandidatët për deputetë nga ky qytet.
Hamza tha se pjesëmarrja e qytetarëve i ka dhënë energji, besim dhe vendosmëri PDK-së për misionin e saj politik.
Ai theksoi se Kosova ka nevojë për bashkim, seriozitet dhe një drejtim që sjell zhvillim, mirëqenie dhe shpresë për çdo familje.
Hamza tha se së bashku do t’i japin fund krizës dhe do të hapin një kapitull të ri për vendin.
