Më 14 gusht 2026 u bënë dy vite nga debutimi i Kylian Mbappé me Real Madridin, si dhe nga trofeu i fundit europian i klubit madrilen. Të dyja ngjarjet ndodhën në finalen e Superkupës së Europës 2024 ndaj Atalantës, në “PGE Narodowy” të Polonisë, ku Reali i drejtuar nga Carlo Ancelotti fitoi 2-0.
Në atë ndeshje, francezi shënoi golin e dytë dhe përfundimtar të finales, pasi Fede Valverde kishte zhbllokuar rezultatin disa minuta më herët. Ishte edhe goli i parë i Mbappé me fanellën e Real Madridit.
Në atë moment dukej se epoka e Mbappé do t’i sillte Realit një mori trofesh. Por, që prej asaj dite, vitrina e “Bernabéut” ka pritur vetëm Kupën Interkontinentale, të fituar disa muaj më vonë në Katar ndaj Pachuca.
Shifra të mira, por pa trofe – Në aspektin individual, Mbappé ka pasur një nivel shumë të mirë gjatë këtyre dy viteve. Skuadra nuk e ka ndihmuar sa duhet, por francezi e ka përmbushur detyrën e tij. Sezonin e kaluar fitoi “Këpucën e Artë” europiane, ndërsa në dy sezonet e tij në La Liga ka koleksionuar dy trofe “Pichichi” si golashënuesi më i mirë.
