Një gjykatëse ka raportuar një incident që ka ndodhur të dielën mbrëma në Prishtinë, ku persona të panjohur kanë dëmtuar veturën e saj zyrtare.
Rasti është iniciuar si “Kanosje” dhe “Asgjësim apo dëmtim i pasurisë” nga Policia, ndërsa sipas ankueses, mbi automjetin zyrtar është vendosur një gur, duke shkaktuar dëme materiale në veturë.
Ngjarja ka ndodhur rreth orës 20:00.
Lidhur me rastin është njoftuar prokurori kompetent, ndërsa policia ka bërë të ditur se hetimet janë duke vazhduar për identifikimin e personit apo personave të përfshirë.
