Barcelona festoi fitimin e titullit kampion në La Liga dhe Superkupës së Spanjës. Të gjithë ishin në atë që e kishin quajtur “darka e kampionëve”, të organizuar nga klubi blaugrana në një restorant të Castelldefels. Në “Casanova Beach Club” morën pjesë futbollistët e skuadrës katalanase, bashkë me partneret e tyre.
Vëmendjen më të madhe e tërhoqi Lamine Yamal, i cili u shfaq publikisht me të dashurën e tij të re, influenceren sevillane Inés García. Bukuroshja spanjolle është një influencere dhe krijuese përmbajtjesh, mjaft e njohur në rrjetet sociale për postimet mbi modën, stilin e jetesës dhe udhëtimet. Ajo numëron mijëra ndjekës në Instagram dhe TikTok, ku ka fituar popullaritet sidomos te publiku i ri.
Paraqitja e çiftit në festën e Barcelonës ka shtuar menjëherë interesin e mediave rozë spanjolle, pasi është hera e parë që Yamal shfaqet në një event publik i shoqëruar nga Inés García. Sulmuesi i ri blaugrana po kalon një moment dëmtimi dhe rikuperimi në fushë, por qenka mjaft aktiv jashtë saj, pas një sezoni të shkëlqyer me klubin katalanas.
The post Darka e Barcelonës me futbollistët dhe partneret e tyre, Yamal prezanton të dashurën e re (fotot) appeared first on Telesport.
