Pas refuzimit nga Ruben Amorim, Youssouf Fofana do të largohet nga Milani dhe po kërkon një skuadër të re. Mesfushori francez është futur në listën e objektivave të Juventusit, destinacion që pëlqehet edhe nga vetë Fofana.
Problemi mbetet çmimi. Milani kërkon 17-18 milionë euro, me mundësinë e përfshirjes së një lojtari si kundërpalë në negociata. Aktualisht, i vetmi lojtar i Juventusit jashtë planeve që mund të vlerësohet nga kuqezinjtë është Nico Gonzalez, por argjentinasi dëshiron të qëndrojë në Madrid dhe pret një ofertë nga Atletico. Ndërkohë, mundësitë e shkëmbimit me Miretti ose Koopmeiners janë për t’u përjashtuar.
Shifrat e Fofana – I transferuar nga Monaco në verën 2024, ai ka regjistruar 88 ndeshje, 3 gola dhe 13 asistime me Milanin. Fillimisht, nën drejtimin e Fonseca dhe Conceição, kishte më shumë detyra mbrojtëse, ndërsa sezonin e kaluar Allegri e përdori kryesisht si “mezzala”. Fiziku i tij mund t’i shtojë forcë mesfushës së Juventusit, edhe pse nuk i ka plotësisht karakteristikat e një “regjisori”.
