Mbrojtësi veteran i Manchester United, Harry Maguire, dëshiron që klubi të vazhdojë të investojë në merkato përpara sezonit 2026/27. Maguire ka qenë titullar dhe kapiten në dy ndeshjet parasezonale deri më tani.
I inkurajuar nga kualifikimi në Champions League për sezonin e ardhshëm, United ka shpenzuar tashmë 83 milionë stërlina për dyshen e mesfushës Youri Tielemans dhe Andrey Santos, së bashku me marrëveshjet e transferimeve falas për Karl Darlow dhe Tynan Thompson.
33-vjeçari Maguire, i cili nënshkroi një zgjatje kontrate njëvjeçare në prill, do të përdoret nga Carrick në një sezon të ngjeshur dhe ish-lojtari i kombëtares angleze dëshiron të shohë më shumë fytyra të reja përpara se të kthehet Premier League në gusht.
“Luaja me Tielemans për disa muaj te Leicester dhe ai do të jetë një transferim i jashtëzakonshëm. Ai është kapiteni i Belgjikës dhe luajti më shumë ndeshje për Aston Villa sezonin e kaluar. Ai ishte një lojtar i rëndësishëm atje”, tha Maguire.
Më tej, mbrojtësi veteran i “djajve të kuq” shtoi: “Shpresoj që të vijnë më shumë transferime. Dua një skuadër të madhe dhe konkurruese. Një skuadër që mund të sfidojmë për trofe të mëdhenj, kështu që sa më shumë, aq më mirë.”
The post Harry Maguire: Manchester United duhet të bëjë më shumë nënshkrime për të patur një ekip konkurrues appeared first on Telesport.
