Matteo Gabbia është mësuar të përballet edhe me tema të vështira. Në një intervistë për “Gazzetta dello Sport”, mbrojtësi i Milanit foli për çështjen më të nxehtë te kuqezinjtë, të ardhmen e Rafael Leaos, i cili të mërkurën mbërriti në Perth: “E dua shumë, të gjithë këtu e duan”.
Për të ardhmen e portugezit, Gabbia nuk deshi të bënte parashikime, por theksoi se Leao i ka dhënë shumë Milanit dhe është i bindur se, për sa kohë do të jetë me Amorim, do të japë maksimumin. Megjithatë, mbrojtësi theksoi se çdo lojtar duhet të marrë vendimet që i konsideron më të mira për veten:
“Kush qëndron te Milani duhet ta bëjë këtë duke i dhënë përparësi klubit dhe skuadrës”. Gabbia foli edhe për Luka Modric, duke vlerësuar ndikimin e tij: “Jemi të gjithë të lumtur që ka qëndruar. Është një person dhe një lojtar special”.
Mbrojtësi i lindur më 1999 shtoi se mësimet që ka marrë nga kroati shkojnë përtej futbollit dhe e kanë ndihmuar të ketë më shumë forcë e dëshirë për t’u përmirësuar: “Ai do të na ndihmojë, jam i sigurt”.
The post Gabbia, çfarë “sparkate” ndaj Leaos: Kush qëndron te Milani duhet të vendosë skuadrën në plan të parë appeared first on Telesport.
