Dua Lipa dhe Callum Turner do të martohen këtë javë në Siçili të Italisë. Do të jetë dasma e tyre e dytë, pas një ceremonie civile në Londër të dielën dhe festimet do të zgjasin gjithsej tri ditë.
Dy sheshe qyteti thuhet se do të mbyllen plotësisht për dasmën luksoze – Piazza Santa Anna dhe Piazza Croce dei Vespri në Palermo.
Policia dhe siguria po përgatiten të krijojnë një “unazë çeliku” rreth shesheve nga e enjtja deri të shtunën. Megjithatë, zyrtarët lëshuan jë deklaratë të paqartë duke pretenduar se po përgatitnin një “prodhim demonstrativ” në vend që të konfirmonin dasmën.
“Çdo gjë është shumë, shumë e ndaluar. Është sekret i lartë. Siguria është private, por policia lokale është e përfshirë në organizimin e eventit. Dyqanet që do të mbyllin janë tashmë zona të ndaluara për këmbësorë. Zyrtarët shpikën këtë ‘demonstrim sheshi’ në Piazza Santa Anna dhe Piazza dei Vespri si justifikim për të vendosur barriera dhe për të penguar këmbësorët të hyjnë”, tha një burim për The Sun-in.
Dasma madhështore solli edhe disa udhëzime të rrepta për banorët e Palermos, të cilëve thuhet se iu kërkua të nënshkruanin marrëveshje konfidencialiteti. Banorët e qytetit thuhet se kanë mendime të ndara në lidhje me mbylljen e shesheve, me disa që pyesin me shaka nëse Dua do të jepte një koncert falas në plazh në këmbim.
Dasma e yllit të popit dhe aktorit ka ngjallur interes të madh publik, me disa që e quajnë atë “dasma e vitit në botën e spektaklit”.
Çifti nuk kurseu asnjë shpenzim për festimin, duke u njoftuar se ka rezervuar një kat të tërë të hotelit luksoz Villa Igiea me pamje nga Deti Tirren. Ceremonia do të zhvillohet në Villa Valguarnera, pronën më të famshme në Bagheria, pranë Palermos. Pallati Gangi do të jetë qendra e festës, e cila do të zhvillohet të shtunën.
Dasma pritet të tërheqë 300 të ftuar, përfshirë familjarë dhe miq, disa prej të cilëve do të mbërrijnë në ishull me avionë privatë. Elton John , Mark Ronson , Charli XCX , Donatella Versace dhe shumë të tjerë kanë marrë ftesa për eventin e vitit.
