Ditën e djeshme, Dani Carvajal zyrtarizoi largimin nga Real Madrid pas plot 13 sezonesh, ku së fundmi mbajti edhe shiritin e kapitenit. Edhe pse nuk e ka marrë ende zyrtarisht detyrën, Jose Mourinho ka piektuar që tani zëvendësuesin e Carvajal.
“Defensa Central” zbulon se Mourinho ka kërkuar transferimin e Diogo Dalot, me të cilin ka ruajtur një marrëdhënie shumë të mirë që nga koha kur drejtoi Man. United. Portugezi është nën kontratë me “Djajtë e Kuq” deri në vitin 2028 dhe vlera e tij në treg llogaritet te 30 milionë euro, sipas Transfermarkt.
Ardhja e Dalot do të krijonjte një konkurrencë tejet të fortë për mbrojtësin e vetëm të krahut të djathtë që ka aktualisht Real Madrid, që është Alexander Arnold. Anglezi nuk është se ka shkëlqyer në sezonin e tij të parë te “Los Blancos”, ku ka qenë i pafat edhe nga dëmtimet. Duke mos pasur besim të plotë tek Arnold, Mourinho ka kërkuar transferimin e Diogo Dalot.
The post Mourinho nuk humb kohë dhe gjen direkt zëvendësuesin e Carvajal. Në Madrid do të vijë i “preferuari” i “The Special One” appeared first on Telesport.
