I transferuar verën e kalaur me shumë bujë nga River Plate te Real Madrid për 45 milionë euro, Franco Mastantuono nuk ka arritur dot të përshtatet në sezonin e tij të parë në Spanjë.
Argjentinasi ka luajtur vetëm 1265 minuta dhe ka shënuar 3 gola, shumë larg pritshmërive. Duke parë shanset e pakta për të fituar vendin e titullarit te Real Madrid, Mastantuono pritet të jetë një nga protagonistët kryesor të merkatos së verës.
“Fichajes” zbulon se Tottenham i ka dërguar ofertën e parë Real Madridit për Mastantuono që është rreth 45 milionë euro, e njëjta shifër që madrilenët paguan te River Plate. Edhe pse londinezët janë në një moment të vështirë, pasi rrezikojnë të përfundojnë në Championship, drejtuesit e Tottenham janë të bindur se do të shpëtojnë dhe të nisin një projekt të ri.
Një nga lojtarët që synohet për këtë projekt ambicioz është pikërisht Franco Mastantuono. Megjithatë, te Real Madrid janë të dyzuar për argjentinasin. Më shumë mundësi ka huazimi pa të drejtë blerje me qëllimq ë lojtari të fitojë ëprvojën e duhur për t’u rikthyer sërish në Madrid. Shitja përfundimtare e lojtarit duket një psitë që ka shumë pak shanse që të ndodhë.
The post Real Madrid merr ofertën e parë nga Londra për dështimin e këtij sezoni. 45 mln euro nuk i bindin madrilenët appeared first on Telesport.
