Lamine Yamal ka mbyllur para kohe sezonin për shkak të dëmtimit të pësuar në ndeshjen e mbrëmshme ku Barcelona fitoi 1-0 ndaj Celta Vigos, pikërisht falë një penalltie të shndërruar në gol nga 18-vjeçari. Por, menjëherë pas ekzekutimit të saktë të penalltisë, Yamal u dëmtua dhe u largua nga fusha e lojës.
Testet e kryera kanë konfirmuar se sulmuesi ka pësuar një dëmtim në kofshën e pasme të këmbës së majtë (muskuli biceps femoris) dhe praktikisht ka mbyllur sezonin. Synimi është që të jetë në dispozicion për Spanjën për Kupën e Botës.
Vetë Lamine Yamal ka reaguar përmes një postimi të ndjerë në rrjetet sociale, ku premton se do të kthehet më i fortë.
“Ky dëmtim më lë jashtë fushës në momentin që doja të isha aty më shumë, dhe kjo dhemb më shumë sesa mund ta shpjegoj. Më dhemb të mos jem në gjendje të luftoj përkrah shokëve të ekipit, të mos jem në gjendje të ndihmoj kur ekipi ka nevojë për mua. Por unë besoj tek ata dhe e di që do të japin gjithçka në çdo ndeshje.
Do të jem aty, edhe nëse është nga jashtë, duke mbështetur, duke brohoritur dhe duke shtyrë si një tjetër. Ky nuk është fundi, është vetëm një pauzë. Do të kthehem më i fortë, me më shumë dëshirë se kurrë, dhe sezoni i ardhshëm do të jetë më i mirë. Faleminderit për mesazhet dhe Visca el Barça”.
The post “Dhemb më shumë sesa mund ta shpjegoj”, Lamine Yamal bën reagmin e ndjerë pas dëmtimit të rëndë appeared first on Telesport.
