Federico La Penna, arbitri romak i ndeshjes Inter-Juventus, po përballet me kërcënime vdekjeje, fyerje dhe intimidime në rrjetet sociale, mbas përjashtimit të Kalulu me dy kartonë të verdhë, pas një faulli të pretenduar ndaj Bastonit, vendim i ndikuar nga simulimi i mbrojtësit të Interit.
Mesazhe të tilla si “do të të qëlloj”, “do të të vrasim”, “e dimë ku banon” e detyruan arbitrin të denonconte në polici. Kërcënimet prekin jo vetëm atë, por edhe familjen, bashkëshorten dhe dy vajzat.
Situata është aq shqetësuese sa forcat e rendit dhe Shoqata Italiane e Arbitrave e këshilluan të shmangë vendet me shumë njerëz. Prokuroria e Romës, me prokurorin Sergio Colaiocco, do të hapë një hetim sapo të marrin dokumentacionin. Për momentin kërcënimet mbeten “online”, pa incidente fizike, por janë mjaftueshëm serioze për alarm.
Gianluca Rocchi do ta lërë një javë pushim La Penna, jo si ndëshkim, por për të rifituar qetësinë. Zv.kryetari i AIA, Massini, apeloi publikisht: “Një arbitër që duhet të ketë frikë për familjen e tij për një vendim në fushë duhet të na indinjojë të gjithëve, pa dallime”.
The post La Penna kërcënohet pas Inter-Juve, forcat e rendit: Qëndro në shtëpi appeared first on Telesport.
