Real Madridi rrezikon të përfundojë në gjyq për çështjen e koncerteve të organizuara në “Santiago Bernabéu”. Sipas “El Confidencial”, gjyqtarja Mónica Aguirre de la Cuesta, e gjykatës hetimore nr. 53 të Madridit, ka lëshuar aktin e dërgimit për gjykim pas rreth një viti e gjysmë hetimesh.
Në vendimin e datës 15 janar, hipotezohet një krim kundër mjedisit, konkretisht ndotje akustike, që i atribuohet “Real Madrid Estadio”, shoqëria e kontrolluar nga klubi dhe përgjegjëse për organizimin e eventeve jashtë-sportive në impiant. Klubi ka tri ditë për të paraqitur një ankim formal. Ndërkohë, Prokuroria dhe padia private kanë 10 ditë për të depozituar aktet me detajet e akuzave dhe dënimet e kërkuara.
Vendimi përbën një sukses të ri për banorët e zonës së “Bernabéut”, prej kohësh në konflikt me klubin. Në tetor, Gjykata e Lartë e Drejtësisë së Madridit anuloi lejen për ndërtimin e dy parkingjeve, vendim i pranuar nga Bashkia, por i ankimuar nga klubi. Kujtojmë se Real Madridi i pezulloi koncertet në shtator 2024, rreth një muaj e gjysmë pas pranimit të procedimit dhe pas gati pesë muajsh evente muzikore në stadium.
The post Koncertet në “Bernabéu”, Real Madridi rrezikon gjyqin për ndotje akustike appeared first on Telesport.
