Chelsea duket se i është rikthyer edhe njëherë pistës së verës, Fermin Lopez. Nëse në merkaton e verës, oferta prej 40 milionë eurosh u refuzua direkt nga katalanasit, tani situata duket se ka ndryshuar.
Duke parë edhe formën e mrekullueshme që Fermin Lopez ka treguar këtë sezon, duke shënuar 10 gola dhe numëron 10 asiste në 24 ndeshje në total, londinezët e kanë rritur ndjeshëm stekën ndaj tij.
Burime të ndryshme nga Anglia bëjnë me dije se Chelsea është gati t’i ofrojë Barcelonës 100 milionë euro për të lënë të lirë Fermin Lopez. Një shifër tunduese kjo, aq më tepër duke ditur problemet financiare të katalanasve.
Trajneri i ri i “Bluve”, Liam Rosenior e sheh Fermin Lopez si njeriun e duhur për t’i dhënë rolin e liderit në mesfushë. Megjithatë, vështirë se Barcelona mund të heq dorë prej një lojtari si Fermin Lopez, i cili është shumë i rëndësishëm për sistemin e Hansi Flick.
Një gjë dihet me siguri, që Fermin Lopez do të jetë në qendër të vëmendjes së merkatos së ardhshme të verës.
The post Chelsea vë në pozitë të vështirë Barcelonën, 100 milionë euro për lojtarin më në formë të katalanasve? appeared first on Telesport.
