Interi nuk ka fituar ndaj Juves, Milanit dhe Napolit që nga derbi i “yllit të dytë” (14 ndeshje). Pas barazimit në “San Siro” me Napolin, Cristian Chivu u ndal te vështirësitë në përballjet direkte: “Ciro (Ferrara) e shpjegoi mirë; ka rëndësi t’i fitosh të gjitha të tjerat. Unë flas për ndeshjen dhe për dy skuadra të forta. Ka keqardhje, por nuk është kurrë e lehtë kundër një ekipi që të vë në vështirësi. Na mungoi qartësia për ta mbyllur ndeshjen, por edhe kundërshtarët janë të fortë.
E marr me vete qëndrimin, dëshirën për të shtyrë përpara, ndonjëherë edhe të tepruar. Ata gjenin mirë Hojlundin. U përpoqëm të qëndronim në lojë. E njihnim forcën e Napolit, dolëm gradualisht. Është për të ardhur keq, por u panë dy skuadra të forta, që e rritën nivelin e Serie A. Do të jetë betejë pikë për pikë deri në fund”.
Për barazimin: “Ishim të gjatë në distanca, ata qarkullonin mirë me McTominay dhe Lobotka. Korrigjuam diçka gjatë ndeshjes, barazimi është i drejtë”. Calhanoglu: “Është një lodhje muskulare, do ta vlerësojmë të hënën”.
The post Chivu: Ka keqardhje, por ndeshje e madhe. Përballjet direkte? Barazim i drejtë appeared first on Telesport.
