Një dygolësh nga Kylian Mbappé dhe një gol nga Camavinga, skuadra e Real Madrid mposhti 3-0 Athletic Bilbao në San Mamés. Mes protagonistëve të “los blancos” edhe portieri Thibaut Courtois, i cili ndali sulmet e skuadrës vendase.
Portieri belg, ka komentuar rëndësinë e fitores pas tre barazimeve radhazi në La Liga. “Ishte një ndeshje shumë e rëndësishme me serinë e barazimeve që po kishim. Ne patëm intensitet të mirë që nga fillimi,” tha Courtois.
“Ne u përmirësuam në gjithçka. Në Girona, na mungoi intensiteti në pjesën e parë dhe në punën tonë mbrojtëse. Duhej të përmirësoheshim në ndeshjet e fundit. Athletic luan më hapur dhe ne kishim më shumë hapësirë për të krijuar rrezik”, tha belgu.
Për pritjet e tij, ai shtoi: “Këto janë momente të rëndësishme kur skuadra ka nevojë për mua. Pritja e dytë, në veçanti, ishte një lexim i mirë i lojës: kur e shoh topin duke ardhur te Berenguer, dal ta ndërpres“.
Në fund, një koment për Mbappé, i cili shënoi golin e tij të 16-të në 15 ndeshje në La Liga: “Mbappé është i tmerrshëm. Në një moment të caktuar të ndeshjes, mendova: ‘Sa me fat jam që e kam në ekipin tim dhe nuk duhet të përballem me të, përveç ndoshta kundër Francës. Ai është i pandalshëm, ne e shijojmë vërtet lojën e tij.’”
The post Courtois vlerëson yllin e ekipit: Jam me fat që e kam në skuadër, është thjesht i pandalshëm appeared first on Telesport.
