Anëtari i Kryesisë së Lidhjes Demokratike të Kosovës (LDK), Visar Azemi, ka publikuar një reagim të ashpër ndaj Qeverisë në detyrë, duke e akuzuar atë se po dëmton prodhimin vendor të energjisë dhe po orientohet drejt importit nga kompani të jashtme.
Në postimin e tij, Azemi pretendon se “paratë e taksapaguesve kosovarë po përfundojnë në xhepat e Vuk Hamoviqit”, të cilin ai e përshkruan si “djalin e ish-shefit të Armatës Jugosllave, Rade Hamoviq”.
Sipas tij, ky import përbën “poshtërim kombëtar”, duke qenë se i atribuohet një figure me të kaluar ushtarake në strukturat jugosllave.
Qeveria nuk ka dhënë ende një përgjigje lidhur me këto akuza.
Azemi akuzon Qeverinë se ka “ndalur prodhimin vendor” dhe se ka “lënë qytetarët në terr”, ndërsa pretendon se autoritetet aktuale “po paguajnë armikun për të na shitur rrymë”.
