Trajneri i PSG, Luis Enrique, foli në një konferencë për shtyp në prag të ndeshjes së Champions League kundër Tottenham. Kampionët e Europës do të presin në fushën e tyre ekipin londinez. “Tottenham e ka nisur sezonin shumë mirë dhe është ende i pamposhtur në Ligën e Kampionëve”, tha Enrique.
“Shumica e lojtarëve të tyre janë ndërkombëtarë: ata janë një ekip i fortë. Superkupa e fituar në gusht ndaj tyre ishte ndeshja e parë e vitit, por tani do të jetë krejtësisht ndryshe. Është një kujtim i mirë sepse përfundoi mirë, por edhe një kujtim i keq kur mendoj për 60 minutat e para, kur luftuam”, shtoi spanjolli.
Më tej, Luis Enrique shtoi: “Tani jemi më të gatshëm të jemi një ekip dominues dhe të fitojmë ndeshjen. Qëllimi ynë është gjithmonë i njëjtë: të dominojmë ndeshjen. Do të jetë e vështirë, por ne po luajmë në Parc des Princes dhe shpresojmë të bëjmë një performancë të shkëlqyer para tifozëve tanë.”
“Përgatitja për ndeshje si kjo është më e lehtë: nuk ka nevojë të flasim shumë, sepse të gjithë e ndiejnë se është një ndeshje e ndryshme nga kampionati. Jemi kampionët në fuqi dhe duam të vazhdojmë në këtë rrugë“, tha më tej Luis Enrique. Ai foli edhe për Marquinhos, që do të luajë ndeshjen e tij të 500-të.
“Ky është një numër i jashtëzakonshëm. Është një moment i rëndësishëm për të dhe për të gjithë ekipin. Është e mrekullueshme të shohësh një lojtar me një karrierë kaq mbresëlënëse. Ai është një lojtar i veçantë, një lider i vërtetë. Ai është thelbësor për ne dhe shpresoj ta kem për shumë vite të tjera“, tha Enrique.
The post Luis Enrique e PSG sërish ndaj Tottenham pas triumfit në Superkupë: Tani do të jetë një ndeshje tjetër appeared first on Telesport.
