Ka marrë fund sot një nga dilemat më të mëdha të merkatos së verës. Yan Diomande transferohet te Real Madrid për 125 milionë euro + 15 milionë euro bonuse. Nëse përmbushen të gjitha bonuset, do të bëhej blerja më e shtrenjtë në historinë e “galaktikëve”.
Vetë klubi madrilen ka zyrtarizuar blerjen e bujshme përmes një deklarate të shkurtër për shtyp.
“Real Madrid C.F. dhe RB Leipzig kanë arritur një marrëveshje për transferimin e lojtarit Yan Diomande, i cili do të jetë i lidhur me klubin tonë për shtatë sezonet e ardhshme, deri më 30 qershor 2033”, thuhet në komunikatën zyrtare të klubit madrilen.
Ndërkohë që vetë lojtari ka reaguar përmes një postimi në rrjetet sociale, ku nuk mungon falënderimi për ish-klubin.
“Kjo është një ëndërr. Po transferohem te Real Madrid për ta realizuar. Dua t’i falënderoj të gjithë te Leipzig. Kush e di? Ndoshta do të takohemi përsëri në Champions League. Sot, nis një udhëtim të ri. Faleminderit”, shkruan Diomande në rrjetet sociale.
al”>Telesport.
