Vinicius Junior dhe Real Madridi mund t’i japin fund bashkëpunimit që këtë verë. Pas muajsh negociatash pa asnjë përparim dhe me diferencat që mbeten të pandryshuara mes palëve, klubi spanjoll ka vendosur të mbajë një qëndrim të prerë. Oferta e fundit për rinovimin e kontratës, e paraqitur te përfaqësuesit e brazilianit, do të jetë edhe ajo përfundimtare.
Sipas “Marca”, drejtuesit e Real Madridit i kanë bërë të qartë lojtarit se nuk do të ketë oferta të reja apo raunde të tjera negociatash. Formula është e thjeshtë: nëse Vinicius e pranon ofertën, rinovimi do të zyrtarizohet. Në të kundërt, klubi do të shqyrtojë shitjen e tij që gjatë kësaj vere, për të shmangur hyrjen në vitin e fundit të kontratës dhe rrezikun e largimit me parametër zero.
Drejtuesit vazhdojnë ta konsiderojnë sulmuesin brazilian një pjesë kyçe të projektit dhe vlerësojnë kontributin e tij në sezonet e fundit, por nuk kanë ndërmend të ndryshojnë politikën e pagave. Mesazhi i klubit është i qartë: asnjë lojtar, sado i rëndësishëm të jetë, nuk mund të prishë ekuilibrat ekonomikë të dhomës së zhveshjes.
Situatën e bën edhe më interesante interesimi i Arsenalit, i cili është gati të futet në garë për transferimin e tij. Gjithashtu, afrimi i Diomandé, i aftë të luajë në të dy krahët e sulmit, do t’i jepte José Mourinhos një alternativë të vlefshme teknike. Nëse kjo përplasje mes palëve vazhdon, nuk përjashtohet mundësia që Vinicius të përfundojë edhe në stol. Real Madridi e ka bërë zgjedhjen e tij, tani vendimi i takon brazilianit.
The post Vinicius–Real Madrid, ultimatum për rinovimin. Klubi vendos “vijat e kuqe”, topi në fushën e brazilianit appeared first on Telesport.
