Thashethemet për transferime rreth Alphonso Davies kanë qenë të shumta ditët e fundit edhe pse mbrojtësi kanadez e zgjati kontratën e tij me Bayern Munich deri në vitin 2030 verën e kaluar.
Pasi mbërriti në “Allianz Arena” në vitin 2019, lojtari menjëherë u bë titullar i rregullt dhe ka bërë 244 paraqitje për kampionët gjermanë. Goli i tij kundër Shtutgart të dielën shënoi kontributin e tij të 53-të tota (gola dhe assist), për klubin, i cili e ka parë të fitojë shtatë trofe të Bundesliga në tetë sezone.
Megjithatë, “Kicker” dhe “Bild”, dy nga gazetat kryesore të Gjermanisë, raportuan së fundmi se bavarezët po e konsiderojnë “Phonzie” Davies si një kandidat për një transferim.
Një pagë vjetore deri në 20 milionë euro bruto, e arritur pasi të nënshkruhet zgjatja e kontratës së tij, e ka bërë atë një nga lojtarët më të paguar në skuadër. Dhe duket se kjo është arsyeja pse Bayern dëshiron ta shesë.
25-vjeçari kanadez nuk konsiderohet “i pashitshëm” nga menaxhmenti edhe pse Davies është një lojtar i rregullt në planet e Bayern për sezonin e ardhshëm. Lojtari sigurisht që nuk ka ndërmend të largohet nga Mynihu.
Disa javë më parë mbrojtësi i krahut u zhvendos në një shtëpi të re me partneren e tij, duke konfirmuar më tej dëshirën e tij për të qëndruar. Nuk ka pasur diskutime me klubin gjerman dhe nuk janë marrë oferta nga klube të tjera. Ndërkohë, menaxhmenti thuhet se po shqyrton blerjen e një mbrojtësi të krahut të ri këtë verë.
The post Rinovoi një vit më parë kontratën deri në vitin 2030, por për Bayern lojtari nuk është i pashitshëm appeared first on Telesport.
