Emri i Nana Kwaku Bonsam, i vetëshpalluri “magjistar” nga Gana, është rikthyer sërish në qendër të vëmendjes mediatike ndërkombëtare, sipas raportimeve të mediave prestigjioze sportive dhe ndërkombëtare. Ai më parë kishte pretenduar se kishte ndikuar në performancën e Harry Kane dhe Anglisë gjatë Botërorit 2026, një histori që u bë “virale” në mbarë botën dhe u komentua gjerësisht në media sportive globale.
Sipas këtyre raportimeve, Bonsam kishte deklaruar para ndeshjes se kishte bërë “magji” ndaj Kane, duke synuar ta kufizonte performancën e tij. Pas ndeshjes ndaj Ganës, ai madje pretendoi se e kishte “zhbërë magjinë” për në vazhdim të kompeticionit.
Tani, sipas mediave, ai ka kthyer vëmendjen nga Lionel Messi, duke ngritur pyetjen që po qarkullon në rrjet: a mund të ndikojë edhe tek argjentinasi në Botërorin 2026, duke e bllokuar para portës si Harry Kane ndaj Ganës?
Historia nuk ndalet këtu. Në mediat sportive është rikujtuar edhe fakti se Bonsam më herët kishte bërë deklarata të ngjashme edhe për Cristiano Ronaldon, duke pretenduar ndikime në formën e tij para turneve të mëparshëm.
Megjithatë, shumë analistë dhe media e trajtojnë këtë histori më shumë si fenomen mediatik dhe kulturor sesa diçka reale sportive, duke theksuar se futbolli mbetet gjithmonë i vendosur në fushë dhe jo në deklarata të tilla “magjistarësh”. Pyetja që po qarkullon tani në mënyrë ironike në rrjete sociale është: A mund t’i bëhet “magji” edhe “magjistarit” të futbollit? Në fund, një gjë mbetet e qartë: Messi, si gjithmonë, është mbi çdo narrativë jashtë fushës.
“Përmbushet” mallkimi i magjistarit ganez ndaj Harry Kane: E ndaloj unë atë dhe Anglinë…
The post Pas Kane dhe Anglisë, ‘magjistari’ ganez i kthen sytë nga Messi. A ka fund kjo histori “magjish”?! appeared first on Telesport.
