Operacion për kapjen e personave me rrezikshmëri të lartë shoqërore, të shpallur në kërkim ndërkombëtar.
Operacioni nga Drejtoria e Antiterrorit në bashkëpunim me Interpol Tirana dhe DVP Elbasan
Kapet dhe arrestohet me qëllim ekstradimi, një 28 – vjeçar i kërkuar nga Drejtësia Italiane.
Në vijim të punës për parandalimin e terrorizmit, si dhe për kapjen e personave të shpallur në kërkim ndërkombëtar për terrorizëm, strukturat e Drejtorisë së Antiterrorit në Policinë e Shtetit, si rezultat i informacioneve të marra dhe punës investigative, organizuan dhe finalizuan në bashkëpunim me Interpol Tirana dhe Drejtorinë Vendore të Policisë Elbasan, operacionin për kapjen e një personi me rrezikshmëri të lartë shoqërore.
Si rezultat i operacionit, nga agjentët e Antiterroit u bë e mundur kapja dhe arrestimi me qëllim ekstradimin e shtetasit shqiptar B. I., 28 vjeç, banues në Elbasan.
Arrestimi i këtij shtetasi u bë për arsye se Interpol Roma në datë 15.04.2019 e ka shpallur në kërkim ndërkombëtar, mbi bazën e vendimit të arrestit të lëshuar nga Prokuroria e Republikës Italiane në mars 2019, për veprën penale “Pjesëmarrje në organizatë terroriste, parashikuar nga neni 270 i Kodit Penal italian.
Ky person më parë është deportuar nga Italia si person i rrezikshëm për rendin dhe sigurinë publike në Itali, pasi dyshohet të jetë i përfshirë me organizata terroriste në Itali dhe Egjipt.
Materialet në ngarkim të këtij shtetasi, i kaluan Prokurorisë për veprime të mëtejshme.
https://www.facebook.com/1502420603377639/videos/1679118652191663/?__xts__%5B0%5D=68.ARCQ2td2b_wFT-rddEvDD3OTijrdrw1DHv0qp4nBUoOiJUbzYQ11oWLXP2-mQzRww_J-9QCXdPTaNZenKrUYHjVAXHfvST-cDHYfW9Uqbsy2RpknZtQzeSEGWGN8B28QBjSn745-WP45Jazn164WnbBUQnkoxfnW9OTlp44IVkjM2tvFhlB6lmS7A5a2NisfRiCuGF0WqtZyxi7OnLttds_cG3okbn2L6-zYJ_umDW6lcaKhJp1VcXaRlxaOeFFvuArOeBljDAJkBAj0wQdmiIrNUWp6MBWjWycMpdxMq-yh-7XlzGuomE-ItCiFC2A2nds90F0Q836t9KuP7oUNxr8esxPKjMwvuHm1_oZELtnH2i8xAuz4LSwtCm9Z8FuHh4Y&__tn__=FFHHH-R
