Thierry Henry, ish-lojtar i Barcelonës dhe legjendë e futbollit francez, u përkul para Antoine Griezmann në “CBS Sports”, pas ndeshjes ku Atlético Madridi siguroi gjysmëfinalet e Champions League.
“Antoine… Antoine…, kam diçka për të të thënë: faleminderit për gjithçka që ke bërë për futbollin francez, kombëtaren dhe futbollin në përgjithësi! Na ke dhënë shumë. Të uroj më të mirat, ta mbyllësh bukur periudhën tek Atlético Madridi dhe fat të mbarë në Orlando. Unë e njoh shumë mirë MLS, për çdo gjë që të duhet gjatë aventurës atje, me kënaqësi do të të ndihmoj”, – i tha ish-futbollisti 48-vjeçar Griezmann-it, i cili sezonin e ardhshëm do të luajë me Orlando City në MLS.
Simeone, trajneri i Atlético Madridit, e vlerësoi gjithashtu Griezmann: “Është një gjeni. Me kalimin e kohës do ta kuptojmë se kemi pasur këtu një gjeni të futbollit, një lojtar që bën diferencën, me eksperiencë dhe personalitet. Shpresoj që Zoti dhe fati t’i japin atë që kërkon në kohën që i mbetet me ne”.
The post “Nuk është parë kurrë kështu…”, Henry përulet “live” para Griezmann: “Kam diçka për të të thënë…” appeared first on Telesport.
