Kandidatët për patentë shofer nuk kanë mundësi të hyjnë në vozitje, për arsye se nuk ka ekzaminerë.
Sipas kryetarit të shoqatës së autoshkollave, kjo po ndodh si shkak i dëshirës për privatizim të njësisë së patentë shoferëve, raporton gazeta KNN.
E sipas tij, kandidatët për patentë shoferin do të duhet të presin edhe së paku 3 muaj.
Një gjë të tillë mohojnë Ministria e Infrastrukturës, sipas tyre nuk kanë pasur kërkesa të cilat diktojnë shtimin e termineve, e që sipas tyre gjithçka është duke u zhvilluar në suaza normale.
“Ministria e Infrastrukturës, përkatësisht Departamenti për Patentë Shoferë, bënë angazhimin e pyetësve varësisht prej kërkesave të kandidatëve për testim në të gjitha kategoritë dhe varësisht prej shtimit të kërkesave për testim rritet edhe numri i pyetësve të angazhuar.
Për momentin kur po i’u shkruajmë numri ditor i kandidatëve për testim nga pjesa praktike sillet prej 205 deri 210 kandidatë, kurse numri i pyetësve të angazhuar në testimin praktik të kandidatëve është 25 pyetës të drejtimit, që i bie 8 kandidatë të testohen nga një pyetës brenda 8 orëve të punës dhe që nënkupton funksionim normal të procesit të testimit praktik.
Ndërsa në pjesën e testimit teorik, Njësitë e Patentë Shoferëve, në 7 rajonet punojnë me kapacitet të plotë dhe nuk kemi pasë problem, ose ankesa në këtë pjesë të testimit, varësisht prej numrit të kandidatëve shtohen edhe terminet e mbajtjes së provimeve në teori”.
E nuk është problemi i vetëm ky.
Islami thotë se kanë bërë kërkesë tek Ministria e Infrastrukturës, që tu caktohet data për provim me shkrim për instruktor, sepse ka të tillë që punojnë me licencë të skaduar.
Në kërkesë përfshihet edhe heqja e poligonit për kategorinë B për testimin e kandidatëve në pjesën praktike, shkruan gazeta KNN
