Harry Kane po shkëlqen në Botërorin 2026. Sulmuesi i Anglisë realizoi dy gola ndaj Kroacisë (4-2) dhe një tjetër dygolësh në fitoren dramatike 2-1 ndaj RD Kongos, duke e çuar ekipin në përballjen me Meksikën në 1/8 finale. Me 13 gola në historinë e Botërorëve, ai kaloi 12 golat e Pelés. Vetëm Lionel Messi dhe Kylian Mbappé, me nga 6 gola, kanë shënuar më shumë se 5 golat e Kane në këtë turne.
“Do të na krahasojnë…, por objektivi im i vetëm është të ndihmoj Anglinë të ecë përpara. Jam jashtëzakonisht krenar”, – tha Kane. Me 84 gola në 118 ndeshje, ai është golashënuesi më i mirë në historinë e Anglisë dhe ka kaluar Gary Lineker si anglezi me më shumë gola në Botëror.
Kane ka arritur gjithashtu 72 gola këtë sezon për klubin dhe kombëtaren, duke kaluar rekordin prej 69 golash të Cristiano Ronaldos në sezonin 2011-12. Vetëm Messi ka bërë më mirë, me 82 gola. “Për mua, ai është futbollisti më i mirë anglez i të gjitha kohërave”, deklaroi Jude Bellingham, ndërsa Gary Lineker ishte edhe më i prerë: “Për ‘Topin e Artë’ nuk duhet të ketë debat, jepjani atij trofeun”.
The post Kane lë pas CR7 dhe synon rekordin e jashtëzakonshëm të Messit: “Për ‘Topin e Artë’? Nuk ka debat, jepjani atij” appeared first on Telesport.
