Pas një prej paraqitjeve më të paharrueshme në historinë e Botërorëve, kur Franca eliminoi Brazilin në çerekfinalen e vitit 2006, Zinedine Zidane hyri në dhomën e zhveshjes së brazilianëve për të ndërruar fanellat me disa lojtarë. Megjithatë, Ronaldo Nazário i kërkoi të largohej.
“Ishim miq dhe vazhdojmë të jemi. Erdhi në dhomën tonë të zhveshjes, por atmosfera ishte shumë e rëndë. Shumë lojtarë po qanin. E urova, por i thashë se nuk ishte momenti i duhur për të ndërruar fanellat dhe i kërkova të largohej”, – tregoi Ronaldo për “L’Equipe”.
Brazili mbërriti në Gjermani si kampion në fuqi, me yje si Ronaldo, Ronaldinho, Kaká, Adriano, Cafú, Roberto Carlos dhe Zé Roberto, por u ndal nga një Zidane i jashtëzakonshëm. Franca fitoi 1-0 me golin e Thierry Henry.
“Ai ishte vërtet i frymëzuar. Nuk është rastësi që ajo ndeshje konsiderohet një nga paraqitjet më të mëdha individuale në historinë e Kupës së Botës”, – tha Ronaldo.
Duke folur për Brazilin e sotëm, ai shtoi: “Kombëtarja jonë e ka humbur statusin e favoritit të padiskutueshëm, por mbetet një nga fuqitë e mëdha të futbollit. Megjithatë, pritshmëritë do të jenë gjithmonë shumë të larta”.
The post “Fenomeni” zbulon pse i kërkoi Zidanes të largohej nga dhoma e zhveshjes së Brazilit gjatë Botërorit 2006 appeared first on Telesport.
