Denzel Dumfries po afrohet me shpejtësi drejt transferimit te Real Madridi. Marrëveshja mes klubit madrilen dhe holandezit është totale, gjithçka është mbyllur për një kontratë 4-vjeçare. Ish-lojtari i PSV-së ka kryer në fshehtësi edhe vizitat mjekësore në Holandë, arsye për të cilën mungoi në humbjen e kombëtares së tij ndaj Algjerisë, në ndeshjen miqësore para Botërorit.
Në orët e fundit u përfol edhe për një negociatë mes Interit dhe Realit, pasi 20 milionë eurot e parashikuara në klauzolën e largimit duhet të paguhen në një këst të vetëm. Megjithatë, Interi ka marrë tashmë një komunikim zyrtar nga Madridi që konfirmon synimin e Realit për ta aktivizuar klauzolën e prishjes së kontratës së holandezit.
Vetë Dumfries nuk dha shumë detaje: “Real Madridi? Le ta mbajmë atmosferën të qetë. Për klauzolën nuk mund të them asgjë. Periudha ime tek Interi më mbush me krenari. Tani do të shkoj në Botëror me Holandën për të dhënë maksimumin. Jam i fokusuar vetëm te kjo. Më pas do të shohim çfarë do të ndodhë”.
Shokët e tij të skuadrës ishin më të hapur. Piotr Zieliński komentoi: “Na vjen keq, por oferta të tilla nuk refuzohen”. Ndërsa Tijjani Reijnders deklaroi: “Të gjithë e uruam. Është një hap i madh në karrierën e tij dhe e meriton plotësisht”.
The post Dumfries drejt largimit: “Krenar për vitet tek Interi”. Holandezi ka kryer tashmë vizitat mjekësore te…. appeared first on Telesport.
