Një mosmarrëveshje mes familjarëve në fshatin Kobaj të Prizrenit ka përfunduar në tragjedi, ku një 27-vjeçar ka humbur jetën pasi është goditur me thikë nga kushëriri i tij.
Sipas informacioneve të para nga dëshmitarët, konflikti mes dy familjeve të afërta (djem të axhallarëve) kishte nisur ditë më parë dhe lidhej me emërtimin e një rrugice ku ata banonin.
I dyshuari 16-vjeçar kishte propozuar që rrugica të emërtohej me emrin e babait të tij, i cili kishte ndërruar jetë disa muaj më parë, ndërsa viktima kishte preferuar që ajo të mbante emrin e gjyshit.
Përplasja mes palëve ka eskaluar të dielën në mesditë, duke përfunduar me përdorimin e thikës. Si pasojë, 27-vjeçari A. Osmanaj ka ndërruar jetë.
