Mikel Arteta ka një simpati të madhe për dy yjet e Turqisë, Arda Guler dhe Kenan Yildiz. Për të parin, Arsenal është shprehur i gatshëm për të paguar 90-100 milionë euro, por Guler do të jetë pjesë e rëndësishme e projektit të ri të Jose Mourinho dhe drejtuesit e Real Madridit i kanë mbyllur derën përfundimisht londinezëve.
Për të dytin, po ashtu ka kohë që përflitet. Sacha Tavolieri zbulon se Arsenal do të bëjë gjithçka për transferimin e Kenan Yildiz në Londër këtë verë. Sipas raportimit në fjalë, oferta e Arsenal do të jetë plot 100 milionë euro.
Megjithatë, Juventus ka bërë të ditur disa herë se nuk e mendon largimin e Kenan Yildiz dhe po punohet për rinovimin e kontratës aktuale, e cila skadon në vitin 2030, ndërkohë drejtuesit e Juventusit po punojnë për një rinovim të paktën deri në vitin 2032 me opsionin dhe për një vit tjetër.
Për fantazistin turk do të ketë një rritje të ndjeshme rroge në kontratën e re. Pavarësisht kësaj, tek Arsenal nuk dorëzohen dhe do të provojnë deri në fund për transferimin e yllit 21-vjeçar.
The post Arteta i fiksuar pas yjeve të Turqisë. Pasi doli “blof” me Arda Guler, Arsenal ka gati 100 mln euro për yllin tjetër appeared first on Telesport.
