Tenisti spanjoll Carlos Alcaraz do të mungojë edhe në turneun Masters 1000 të Cincinnati Open, që nis sot. Ky është një turne në të cilin ai është kampion në fuqi (vjet mundi Jannik Sinner në finale).
Alcaraz, aktualisht numri 3 në botë, mungon prej një periudhe të gjatë. “Ne e dimë që Carlos po bën gjithçka që mundet për t’u rikthyer në turne sa më shpejt të jetë e mundur,” tha drejtori i turneut Bob Moran.
“Ne i urojmë atij një shërim të shpejtë dhe shpresojmë ta mirëpresim përsëri në Cincinnati në të ardhmen“, shtoi më tej turneu amerikan. Alcaraz nuk ka luajtur një ndeshje zyrtare që nga turneu i Barcelonës, më 14 prill.
Vendimi i tij për të mos marrë pjesë në Cincinnati ringjallën dyshimet në lidhje me gjendjen e tij fizike. Dhe, më e rëndësishmja, vë në pikëpyetje pjesëmarrjen e tij në US Open, ku spanjolli pritet të garojë si kampion në fuqi.
