Ministri shqiptar i Administratës Publike në qeverinë malazeze, Marash Dukaj, mbrëmë ka folur për marrëdhëniet ndërmjet Kosovës dhe Malit të Zi.
Ministri tha se raporti mes dy vendeve është i mirë, megjithatë shtoi se mund të ngritet në nivele edhe më të larta.
“Unë mendoj që këto raporte janë të mira, mendoj që mund të ngritën në nivele më të larta. Gjithmonë ekziston hapësirë e tillë. Shpresoj që kjo të ndodhë në të ardhmen, edhe përmes projekteve të ndryshme ekonomike, përveç angazhimeve politike. Por për momentin konsideroj se janë raporte në nivelin e duhur”, tha ai për Klan Kosova.
